Ditmir Bushati, ish-ministri i Jashtëm i Shqipërisë, gjatë një interviste në Euronews Albania, theksoi se qeveria duhet të jetë forca kryesore në luftën kundër korrupsionit dhe krimit të organizuar. Ai shtoi se komisionet si ai anti-korrupsion i drejtuar nga Fatmir Xhafaj janë të dobishëm, por përgjegjësia kryesore për këtë çështje i takon ekzekutivit dhe jo komisioneve bipartizane.
"Ka një debat mes disa profesionistëve, mes të cilit mendohet se kushtetuta mund të kërkojë një rishikim më tërësor. Për këtë nevojitet një ambient politik më i paqtë. Gjithashtu mund të duhet një kuadër i ri institucional në vend. Këto natyrisht kërkojnë komisione bipartizane. Por kur flasim për këto tema, të antikurrupsionit, këto nuk janë tema të parlamentit por të ekzekutivit”-tha ish-ministri.
I pyetur për qëllimin e ngritjes së një komisioni të tillë, Bushati tha se nuk mund të japë përgjigje, pasi nuk është propozuesi i tij. “Unë nuk e di se unë nuk jam propozues, por ju them se cilat janë standardet dhe praktikat dhe ne nuk kemi nevojë të shpikim rrotën,” deklaroi ai.
