Bruksel – Agjencia prestigjioze EurActiv ka raportuar për rëndësinë e votës së diasporës shqiptare në zgjedhjet e ardhshme. Sipas artikullit, qindra mijëra emigrantë pritet të regjistrohen për të votuar deri në mbylljen e portalit zyrtar. Ky numër konsiderohet mjaftueshëm i madh për të ndikuar ndjeshëm në rezultatet e zgjedhjeve.
Nga 4.6 milionë qytetarë shqiptarë, 3.7 milionë kanë të drejtë vote. Sipas regjistrimit të fundit të popullsisë në vitin 2023, vetëm 2.4 milionë qytetarë jetojnë aktualisht në vend, ndërsa mbi 1 milion janë pjesë e diasporës në shtete si SHBA, Kanada, Gjermani dhe Mbretëria e Bashkuar.
Në këtë kontekst, vota e diasporës shihet si një faktor kyç që mund të ndryshojë balancat politike në Shqipëri, duke i dhënë emigrantëve një zë të fortë në vendimmarrjen politike të vendit të tyre.
