Nis përballja në GJKKO mes Nuredin Dumanit që mban statusin e të penduarit të drejtësisë dhe ish-bashkëpunëtorit të tij të ngushtë Henrik Hoxhaj.
Ky i fundit ka patur status bashkëpunëtori që iu hoq nga SPAK.
Pjesë nga marrja në pyetje në sallën e gjyqit:
Avokati: Si ke marre dijeni për vrasjen e Ervis Dedës?
Dumani: Kam ardhur ne dijeni sepse ma ka dhënë Festimi. Kur jam takuar me Festimin kemi shkuar të shkëmbi Kavajës për të kërkuar armën.
Avokati: Çfarë te ka thene Festimi per vrasjen e Elvis Dedes?
Dumani: Makinën që përdorën në vrasje ja sollën Festimit nga Fushë Kosova. Elvis Deda ose Losha ka qenë duke drekuar. E ka gjuajtur Enriku dhe ka dalë edhe Festimi që ishte shofer. Kanë djegur makinën dhe kanë ikur për disa km në këmbë. Këto mi ka thënë Festimi.
Avokati: Si je njohur me Festimin?
Dumani: Jemi njohur për shkak të një konflikti në lokalin e tij
Avokati: Pas njohjes me Festimin keni patur shoqëri të qëndrueshme?
Dumani: Po kemi patur.
Avokati: Shoqëroheshit me njeri-tjetrin?
Dumani: Po. Shoqëroheshim në dreka darka kur mundeshim. Deri ne 2022 kur jam arrestuar
Avokati: Si komunikoje me Festimin?
Dumani: I thoja djalit të tezes që punonte te lokali.
