Ministria e Mbrojtjes, përmes strukturave të Mbrojtjes Civile, ka urdhëruar evakuimin e menjëhershëm të banorëve të fshatrave Palavli, Vergo dhe Kopaçëz në Bashkinë Delvinë, për shkak të rrezikut nga zjarret që po përparojnë në këtë zonë.
U bëhet thirrje të gjithë banorëve të ndjekin udhëzimet e emergjencave civile dhe të bashkëpunojnë me Policinë dhe autoritetet vendore, të cilat janë angazhuar për mbrojtjen e jetës dhe pronës.
Në operacion janë përfshirë edhe dy helikopterë të Forcës Ajrore, të cilët po veprojnë për fikjen e vatrave në Delvinë, ndërsa dy helikopterë të tjerë janë angazhuar në operacionet ajrore në qarkun Berat-Dimal, ku situata paraqitet gjithashtu problematike për shkak të zjarreve.
