Cheryl Cole ka thyer heshtjen me një mesazh të dhimbshëm për ish-partnerin e saj, Liam Payne, pas lajmit të papritur për vdekjen e tij.
Këngëtarja e grupit të famshëm Girls Aloud dhe Payne ishin në një marrëdhënie për dy vite, gjatë së cilës mirëpritën djalin e tyre, Bear Grey, më 22 mars 2017.
Në një postim të publikuar në Instagram, Cheryl shprehu dhimbjen dhe trishtimin e saj teksa përpiqet të përballet me këtë ngjarje tronditëse që ka ndryshuar jetën e saj. Ajo shkroi:
“Teksa përpiqem të përballem me këtë ngjarje që më ka shkatërruar botën dhe të përpunoj dhimbjen time në këtë kohë të papërshkrueshme, dua t’ju kujtoj me dashamirësi se kemi humbur një njeri. Liam nuk ishte vetëm një yll pop-i dhe një figurë e njohur, por një djalë, një vëlla, një xhaxha, një mik i dashur dhe babai i djalit tonë shtatëvjeçar.”
Ajo gjithashtu shprehu shqetësimin për djalin e tyre, Bear, duke shkruar:
"Ai është një djalë që tani duhet të përballet me realitetin se nuk do ta shohë më babin e tij.”
Në deklaratën e saj, Cheryl bëri një kërkesë të sinqertë për publikun dhe mediat, duke thënë
Ju lutem të gjithë të respektoni dinjitetin që i ka mbetur Liam-it.”
Anabel. al
