Përballjet e dyta të xhiros së dytë të Champions League sollën surpriza. Real Madrit ka humbur në transfertë me Lilë me rezultatin 1-0. Ndeshja u vendos nga një penallti në limitet e kohës të pjesës së parë që u realizua nga Devids dhe që rezultoi goli i fitores.
Me të njëjtin rezultat humbi edhe Bayer Mynih në fushën e Aston Villa, ku këta të fundit ndëshkuan bavarezët në minutën e 79. Benfika turpëroi Atletikon e Madridit në Portugali, duke e mposhtur thellë me rezultatin 4-0.
Ndërkohë Liverpool bëri detyrën ndaj Bolonjës duke fituar 2-0. Përmbysje të madhe bëri Juventus, e cila edhe pse luajti me një lojtar më pak, iu përgjigj dhëmb për dhëmb Laipsigut. Italianët arritën ta barazojnë disavantazhin në dy raste, ndërsa në minutën e 82 ishte Conceicao që i dha fitoren dhe duke fiksuar shifrat 3-2.
Nërsa përballjet e tjera përfunduan si më poshtë:
Girona-Feynord 2-3
Shakhtar-Atalanta 0-3
Dinamo Zagreb – Monako 2-2
Strum Graz – Club Bruge 0-1
