Lorik Cana ka shprehur kundërshtimin e tij ndaj organizimit të përbashkët të Kampionatit Europian për 21-vjeçarët nga Serbia dhe Shqipëria. Në intervistën për Klan Kosova, ai theksoi mungesën e besimit ndaj faktorëve serbë, pavarësisht se pranoi që qëllimet e presidentit të FSHF-së, Armand Duka, janë të mira dhe ka bërë punë të lavdërueshme për futbollin shqiptar. Cana vlerësoi përpjekjet e Dukës por shprehu skepticizëm për sinqeritetin e ndjenjave të palës serbe në bashkëpunimet e tilla, duke e theksuar se ende ekzistojnë diferenca të thella mes tyre.
FSHF e kam mbrojtur dhe kam luajtur për ta, përfaqëson një simbol kombëtar. I them gjërat siç i ndjej dhe siç janë. Unë e shikon ndryshe për momentin këndvështrimin e Serbisë ndaj nesh. Armando Duka, dëshirat i ka të mira, nuk i ka të këqija, nuk është mënyra dhe momenti i duhur për të bërë diçka të përbashkët me ta. Në një të ardhme pse jo, me gjithë qejf, në qoftë se gjërat janë në rrugën e duhur.
Armand Duka ende nuk po e di se me kë ka punë. Nuk pajtohem me vendimin e tij për të organizuar kampionat me Serbinë. Punën e parë, unë vet nuk kam asnjë lloj besimi në sinqeritetin e tyre në çfarëdo lloj hapi që ndërmarrin me faktorin shqiptar dhe kur them me faktorin shqiptar, mundet me qenë Federata Shqiptare, Federata e Kosovës.
Thjeshtë mendoj që nuk është mënyra dhe momenti i duhur për të bërë diçka të përbashkët me ta”, tha Cana në “Klan Kosova”.
