Egnatia është ndalur nga Elbasani në një barazim pa gola. Me këtë rezultat, rrogozhinasit renditen në vendin e dytë me 10 pikë, 3 pikë më pak se kryesuesja Vllaznia. Ndërsa skuadra nga Elbasani pozicionohet në vendin e 3-të me 9 pikë.
Në barazim 1-1 përfundoi edhe takimi tjetër mes Teutës dhe Dinamos. Goli i Zabërgjës nuk mjaftoi për mysafirët, pasi Torraj vendosi ekuilibrat. Durrsakët janë në vendin e gjashtë, ndërsa Dinamo është në vendin e pestë.
Ndërkohë më herët Vllaznia mori një fitore të pastër 2-0 ndaj Bylisit, duke vijuar kështu të kryesojë tabelën e Superiores.
Takimet e sotme ishin të vlefshme për javën e gjashtë.
