U luajtën ndeshjet e para të sezonit të ri të Champions Legue, ku nuk zhgënjyen favoritët. Sipasrin e hapi Juventus i cili në fushën e vet nuk fali PSV e Hollandës duke e mposhtur me rezultatin 3-1. Ndërsa Aston Villa e pati të leht me zviceranët e Young Boys.
Ndërsa në darkë ishte radha e të mëdhenjve. Në "San Siro" Liverpool bëri ligjin duke mposhtur Milanin me rezultatin 3-1. Edhe pse vendasit kaluan të parët në avantazh me Pulisic, të kuqtë përmbysën me Konate dhe Van Dijk në pjesën e pare dhe me Syoboszlai që vulosi ndeshjen.
Ndërkohë në "Allianz Arena" Bayern Munich e ktheu në stërvitje përballjen me Dinamo Zagreb, duke shënuar 9 gola në portën e kroatëve. Ndeshja përfundoi me rezultatin final 9-2, ndërsa shënuesit ishin Kane, Guerreiro dhe Olise, Sane dhe Goretzka, teksa në fraksionin e dytë Kane ia doli të kompletonte "pokerin" e golave, ndërsa Olise dopietë.
Në "Bernabeu", Real Madridi nuk e pati të lehtë për të fituar 3-1 kundër Stuttgartit. Pjesa e parë u mbyll pa gola, ndërsa u deshën vetëm 16 sekondat e fraksionit të dytë që Mbappe të tundtte rrjetën. Gjermanët barazuan me Undav në minutën e 68, me sfidën që u vendos vetëm shtatë minuta nga fundi me golin e Rudiger.
Ndeshjet e tjera pëfunduan me këto rezultate:
Juventus 3-1 PSV
Young Boys 0-3 Aston Villa
Milan 1-3 Liverpool
Bayern Munich 9-2 Dinamo Zagreb
Real Madrid 3-1 Stuttgart
Sporting Lisbone 2-0 Lille
Kështu Bayern Munich, Aston Villa, Juventus, Liverpool, Sporting dhe Real Madrid shijojnë tri pikët e para në formatin e ri të Champions League.
Kompeticioni më i rëndësishëm europian për klube është rinovuar me një format të ri, i cili përfshin një grup të vetëm ku do të marrin pjesë 36 skuadra, 4 më shumë se në edicionet e fundit. 8 më të mirat do të kualifikohen për në fazën e 1/8-ve, ndërsa nga vendi i 9-të deri në 24-t do të luajnë play-off.
