Shqipëria do të zbres sot në fushë për të luajtur ndeshjen e parë të Ligës së Kombeve kundër Ukrainës.
Kompanitë e basteve kanë shpallur ditë më parë edhe koeficientet për sfidën e parë, që do të zhvillohet në orën 20:45.
Ukraina shihet si favoritja për të triumfur në këtë përballje, pasi fitorja e tyre kuotohet me 1.75, ndërsa një sukses i mundshëm i kuqezinjve kap kuotën 4.70. Ndërkohë barazimi kuotohet me koeficientin 3.55.
Kujtojmë se ditën e djeshme, tekniku Sylvinho u shpreh në konferencën për shtyp se luajmë për fitore. Ai gjithashtu tha se kësaj here të besuarit e tij do të ndryshojnë strategji, ndërsa sa i përket formacionit ekipi ynë kombëtar ka disa mungesa.
Duke filluar me kapitenin Berat Gjimshiti që pësoi një dëmtim para disa ditësh. Broja gjithashtu nuk erdhi në grumbullim për shkak të dëmtimit dhe u zëvendësua me Myrto Uzunin.
Sylvinho mendoi të merrte gjithashtu në grumbullimin e parë të kësaj fushate për Ligën e Kombeve, anësorin e Partizanit Agim Zekaj që pritet të konkurroj me Asanin për një vend nga e djathta.
