Mundësi që përfaqëson Shqipërinë në Lojërat Olimpike në Paris, Islam Dudaev edhe pse nuk mundi të kalojë në gjysmëfinale, ka sërish një tjetër shans për të marrë medalje.
E gjitha kjo ndodhi pas fitores së mundësit nga Irani, Rahman Amouzadkhalili në gjysmëfinalen ndaj hungarezit Musukaev.
Tashmë Dudaev do të duhet të fitojë 2 ndeshje për të marr medaljen e bronzit. Përfaqësuesi i Shqipërisë do të zbresë në tapet nesër me amerikanin Retherford, duke nisur nga ora 11:00(ndeshja e dytë në Tapetin B).
Kujtojmë se në dy raundet e para, Dudaev fitoi me superioritet pikësh ndaj mundësit nga Samoa, Akazavai, dhe u mund me superioritet pikësh në raundin çerekfinal nga iraniani Amouzad. Gjithsesi tanimë vajtja në ripeshkim, ndërsa me petkun e Kampionit të Europës në peshën deri në 65 kilogram, është një shans më shumë për medalje për Islam Dudaev. Gjithnjë tek e bronzta.
