Shqipëria ka mposhtur Ukrainën me përmbysje dhe ka siguruar 3 pikët e para në Ligës së Kombeve. Edhe pse nuk kuotoheshin si favorit, kuqezinjtë treguan nivelin e duhur.
Pjesa e parë u mbyll e ekuilibruar me raste nga të dyja skuadrat, duke lënë golat për pjesën tjetër të lojës.
Në pjesën e dytë ishin ukrainasit që shënuan të parët në minutën e 49 pas një goditje nga jashtë zonës të Konoplya.
Por ky gol nuk demoralizoi kuqezinjtë të cilët pas disa rasteve në portën kundërshtare arritën të barazojnë në minutën e 5 minuta më vonë. Pas një krosimi nga goditja e këndit, ishte Ardian Imajli i cili shfrytëzoi rrëmujën në zonë dhe çoi topin në rrjet.
Barazimi rifreskoi shpresat për pikë të plota të kuqezinjve. Në minutën e 66 një aksion taktik i Shqipërisë, ishte Manaj që në krahun e djathtë tërhoqi mbrojtësat ukrainas dhe çoi topin në zonë ku gjeti Asanin përball portierit dhe ky i fundit nuk e fali portierin Trubin me goditjen në krahun e djathtë të portës duke përmbysur ndeshjen.
Kështu Shqipëria e nis me këmbën e mbarë Ligën e Kombeve me 3 pikë të plota dhe me mendje të qetë për takimin e radhës që do të luhet pas tre ditësh në “Air Albania” ndaj Gjeorgjisë.
