Tirana ka arritur fitoren e parë në kampionat, duke triumfuar 2-1 ndaj Skënderbeut në ndeshjen e luajtur në stadiumin “Air Albania”. Korçarët kaluan të parët në avantazh falë golit të Rashicës nga pika e bardhë në minutën e 38-të, por bardheblutë arritën të përmbysin rezultatin në pjesën e dytë.
Heroi i Tiranës ishte Prengaj, i cili shënoi dy gola dhe i dha ekipit të tij fitoren. Me këtë rezultat, Tirana ngjitet në kuotën e 9 pikëve dhe pozicionohet në vendin e shtatë, ndërsa Skënderbeu i trajnerit Gvozdenovic mbetet me 7 pikë në vendin e tetë, pas 7 javësh kampionat.
