Mbyllen me spektakël golash ndeshjet e para të xhiros së dytë të Champions League, me të mëdhenjtë që nuk u kursyen në mbrëmjen e sotme.
Barcelona mori triumfin e parë në këtë kompeticion, teksa mundi pastër 5-0 Young Boys në një ndeshje të dominuar nga fillimi deri në fund. Me të njëjtin rezultat mori fitoren edhe Mançester Siti, i cili siguroi fitoren e parë në fushën e Slovan Bratislava.
Në Gjermani Leverkusen përcolli Milanin “me aspirina”, pasi e mposhti me rezultatin 1-0 duke i shkaktuar kështu humbjen e dytë radhazi në Ligën e Kampionëve. Ndërkoh Interi nuk fali në shtëpi Cervena Zvezdën duke fituar 4-0.
Arsenali likuidoi PSG me një dygolësh të Havertz dhe Saka. Ndërsa Dordmundi nga ana tjetër “inatin” e tifozëve me UEFA-n ia shkarkuan Celtikut duke e mposhtur me goleadë 7-1 në një sfidë të domunuar totalisht.
Ndeshjet e tjera përfunduan: Salzburg-Brest 0-4, Stutgart-Sparta Prague 1-1, PSV-Sporting 1-1.
Të mërkurën luhen ndeshjet e dyta të xhiros së dytë të Champions League.
