Donald Trump ka bërë një deklaratë të fortë në Truth Social, duke paralajmëruar veprime të ashpra në zonën e Ngushticës së Hormuzit, në një moment kur negociatat dhe përpjekjet diplomatike nuk kanë sjellë ende një marrëveshje mes palëve.
“Do të fillojmë të shkatërrojmë minat që iranianët kanë vendosur në ngushticë. Çdo iranian që qëllon ndaj nesh ose ndaj anijeve paqësore do të hidhet në erë”, thuhet në postimin e tij.
Deklarata vjen në një kontekst tensionesh të larta dhe pas dështimit të arritjes së një marrëveshjeje, duke e bërë situatën edhe më të pasigurt në rajon.
Deri tani nuk ka një reagim zyrtar nga autoritetet iraniane lidhur me këtë deklaratë, ndërsa zhvillimet po ndiqen nga afër nga komuniteti ndërkombëtar për shkak të rrezikut të përshkallëzimit të mëtejshëm të konfliktit.
