Ushtria iraniane ka hedhur poshtë pretendimet e Shteteve të Bashkuara për kalimin e dy anijeve amerikane nëpër Ngushtticën e Hormuzit.
Zëdhënësi i Shtabit Qendror të ushtrisë iraniane, Khatam al-Anbiya, deklaroi se pretendimi i komandantit të CENTCOM-it për afrimin dhe hyrjen e anijeve amerikane në këtë zonë strategjike “hidhet poshtë fuqishëm”.
Ai theksoi më tej se çdo aktivitet dhe lëvizje detare në rajon monitorohet nga Forcat e Armatosura të Republikës Islamike të Iranit, duke nënvizuar kontrollin e plotë të Teheranit mbi situatën.
Nga ana tjetër, Komanda Qendrore e SHBA-së (CENTCOM) ka bërë të ditur se dy anije amerikane kanë kaluar përmes Ngushticës së Hormuzit dhe kanë operuar në Gjirin Arabik. Sipas tyre, kjo lëvizje është pjesë e një misioni më të gjerë për të garantuar që rruga detare të jetë e sigurt dhe e lirë nga minat detare, të cilat pretendohet se janë vendosur më herët nga Irani dhe Garda Revolucionare.
