Franca dhe Mbretëria e Bashkuar do të organizojnë një konferencë me vende me të njëjtat qëndrime, e cila synon rihapjen e Ngushticës së Hormuzit, ka deklaruar presidenti francez Emmanuel Macron.
Ai e ka cilësuar këtë nismë si një “mision shumëkombësh paqësor”.
Në një postim në platformën X, Macron ka bërë të ditur se diskutimet do të përfshijnë gjithashtu programin bërthamor të Iranit dhe situatën në Liban.
“Ky mision rreptësisht mbrojtës, i ndarë nga palët ndërluftuese në konflikt, synon të vendoset sapo ta lejojnë rrethanat”, ka deklaruar ai.
Macron shtoi gjithashtu se Franca është e gatshme të “luajë rolin e saj të plotë”.
