Shtëpia e Bardhë publikoi foto të reja që tregojnë Presidentin amerikan, Donald Trump, duke hyrë në ndërtesën e Supreme Court of the United States për të ndjekur nga afër argumentet verbale mbi çështjen e shtetësisë nga lindja.
Sipas administratës amerikane, kjo është hera e parë që një president në detyrë merr pjesë personalisht në një seancë të tillë të Gjykatës Supreme.
Debati lidhet me interpretimin e Amendamentit të 14-të të Kushtetutës së SHBA-së dhe me politikën e shtetësisë automatike për personat e lindur në territorin amerikan.
Prania e Trump në sallën e gjykatës vjen në një moment kur debati mbi emigracionin dhe shtetësinë nga lindja është një nga çështjet më të ndjeshme në politikën amerikane. Vendimi i Gjykatës Supreme pritet të ketë ndikim të rëndësishëm në mënyrën se si interpretohet kjo dispozitë kushtetuese në të ardhmen.
