Sipas raportimeve të fundit, shkencëtarët po paralajmërojnë për një fenomen të mundshëm klimatik të njohur si “super El Nino”, i cili mund të sjellë temperatura rekord dhe mot ekstrem në shumë pjesë të botës, përfshirë edhe Shtetet e Bashkuara.
Sipas parashikimeve, ky fenomen i formuar nga ngrohja e pazakontë e ujërave të Oqeanit Paqësor mund të rrisë ndjeshëm temperaturat globale dhe të ndikojë drejtpërdrejt në valët e të nxehtit, stuhitë dhe thatësirat.
Ekspertët theksojnë se ekziston një mundësi reale që viti 2026 të jetë ndër vitet më të nxehta të regjistruara ndonjëherë, ndërsa qytete si Nju Jorku mund të përjetojnë më shumë ditë me temperatura shumë të larta krahasuar me vitet e mëparshme.
Fenomeni El Nino është pjesë e një cikli natyror klimatik që ndodh çdo 2 deri në 7 vjet, por kur forcohet në nivel “super”, ai mund të sjellë pasoja më të rënda globale, duke përfshirë reshje ekstreme, përmbytje dhe valë të zgjatura të të nxehtit.
Shkencëtarët theksojnë se kombinimi i këtij fenomeni me ngrohjen globale e bën situatën edhe më të paparashikueshme.
