Këngëtarja shqiptare me famë ndërkombëtare Bebe Rexha ka tërhequr sërish vëmendjen e ndjekësve në rrjetet sociale me një paraqitje të veçantë në Instagram.
Ajo u shfaq e veshur me një bluzë të zezë ku shkruhej “I dua vajzat shqiptare”, duke theksuar edhe një herë lidhjen e saj të fortë me origjinën shqiptare.
Një nga momentet që u komentua gjerësisht nga fansat ishte edhe përfshirja e një fraze në shqip në një prej këngëve të saj: “Çike çike, luje belin çike, ti je një bombë, bombë atomike”, e cila u prit me shumë entuziazëm nga publiku shqiptar.
Në postimet e fundit, Bebe Rexha nuk ishte e vetme. Në disa fotografi të publikuara ajo shfaqej së bashku me shoqet e saj, të cilat gjithashtu mbanin të njëjtën bluzë, duke krijuar një atmosferë argëtuese dhe plot energji.
