Dy persona kanë humbur jetën dhe disa të tjerë janë plagosur pasi një makinë u fut në një turmë në qytetin Leipzig, në Gjermani, pasditen e së hënës.
Sipas autoriteteve, 22 persona janë plagosur, ndërsa dy prej tyre janë në gjendje të rëndë. Ngjarja ndodhi në zonën qendrore Grimmaische Straße.
Drejtuesi i mjetit është arrestuar dhe, sipas policisë, nuk ka më rrezik për publikun. Motivi i sulmit mbetet ende i paqartë.
Në vendngjarje janë angazhuar rreth 40 zjarrfikës dhe 40 ekipe mjekësore, si dhe dy helikopterë emergjence, ndërsa zona është rrethuar plotësisht.
