Sali Berisha ka reaguar pas transferimit të kryebashkiakut të pezulluar të Tiranës, Erion Veliaj, në paraburgimin e Durrësit. Sipas tij, kjo lëvizje ka për qëllim ushtrimin e presionit ndaj Veliajt për të mos folur.
Në një prononcim për mediat, Berisha e cilësoi këtë një “kod mafioz të tmerrshëm”, duke theksuar se e njëjta skemë është përdorur edhe më parë me ish-ministrin Lefter Koka.
“E çuan Veliajn në Durrës dhe atje do t’i dërgojnë Pojën për t’i mbyllur gojën. E njëjta gjë ndodhi edhe me Lefter Kokën, të cilin e lanë aty me të njëjtin presion,” u shpreh Berisha.
Ai shtoi se nuk ka parë militantë të Partisë Socialiste të reagojnë për arrestimin e Veliajt, por vetëm policë dhe punonjës të Bashkisë së Tiranës.
“Duket sikur Veliaj ka bërë garë me gruan e Assadit. Megjithatë, qindra artikuj janë përjashtuar nga SPAK,” tha ndër të tjera kreu i PD-së.
