Kryetari i Partisë Demokratike, Sali Berisha, ka deklaruar se një nga hapat e parë që do të ndërmarrë pas zgjedhjeve të 11 Majit do të jetë hapja përfundimtare e platformës TikTok. Ai theksoi se TikTok është një pasion i të rinjve dhe se ky veprim do të jetë një përgjigje ndaj qeverisë, që sipas tij, nuk ka marrë parasysh mendimet e rinisë për përdorimin e rrjeteve sociale.
Berisha kritikoi kryeministrin Edi Rama, duke theksuar se ai nuk është këshilluar me të rinjtë, por me prindërit, të cilët nuk janë të përfshirë në përdorimin e platformave sociale si TikTok. Ai u shpreh se ky bllokim shkel lirinë e fjalës dhe përbën një krim kushtetues. Sipas tij, pas zgjedhjeve, një nga prioritetet do të jetë rikthimi i lirisë në rrjetet sociale dhe ndëshkimi i atyre që kanë shkelur Kushtetutën e vendit.
Kryetari i Partisë Demokratike, Sali Berisha, ka ftuar qytetarët shqiptarë të bashkohen në një protestë dhe mosbindje civile, që do të nisë sot në orën 17:00 në Tiranë. Gjatë një konferencë për mediat, Berisha theksoi se ky akt është një reagim ndaj qeverisë dhe një thirrje për të drejtat e grupeve të ndryshme shoqërore në Shqipëri.
Berisha deklaroi se mosbindja civile është një akt revolte për 800 mijë pensionistët që, sipas tij, trajtohen në mënyrën më çnjerëzore nga qeveria, për rinisë që e shohin të vetmen mundësi largimin nga Shqipëria dhe për fermerët që janë më të diskriminuarit në Evropë. Ai akuzoi qeverinë se ka shpërfillur nevojat e këtyre grupeve, ndërsa shtoi se protesta është një shenjë sakrifice e demokratëve për të mbrojtur interesat e shqiptarëve.
