Gjykata e Tiranës kaloi për gjykim dosjen penale ndaj Altin Çokut. Ai është marrë i pandehur për akuzat e “shkaktimit të vetëvrasjes” dhe “përndjekjes” ndaj 27-vjeçares Sibela Abedini. E reja, nënë e një fëmije të mitur kreu vetëvrasje duke u hedhur nga kati i 4 i pallatit ku banonte, pasi nuk duroi dot presionin pas publikimit të fotove të saj intime në rrjetin social tik-tok nga Altin Çoku me të cilin ishte në një lidhje.
Nga hetimet rezultoi se ishte pikërisht sjellja e Çokut, që coi drejt vetëvrasjes Abedinin, në një kohë që prokurorët kanë siguruar prova që ai e përndiqte 27-vjecaren.
Procesi ndaj Çokut pritet të nisë në themel në Gjykatën e Tiranës. Në process marrin pjesë, si të dëmtuar nga vepra penale, nëna e Sibela Abedinit dhe vëllai i saj. Akti i Sibela Abedinit shkaktoi zemërim të thellë në opinionin publik. Autori i dyshuar i krimit rezulton me precedentë të mëparshëm penal, pasi ishte dënuar më herët për gjobëvënie. Ai njihet si një person i dhunshëm dhe mjaft problematik në rrjetet sociale.
