Astrologia e njohur Susan Miller ka bërë parashikime për zgjedhjet e ardhshme në SHBA, duke analizuar kartat e lindjes së ish-Presidentit Donald Trump dhe Nënpresidentes Kamala Harris. Miller vë në dukje që të dy kandidatët kanë potencial të fortë komunikues dhe aftësi për të bindur, me vitin 2024 që përbën një “Vit Smaragdi” për Binjakët. Jupiteri sjell fat të veçantë për Trump dhe Harris, për shkak të afërsisë së gradëve të tyre astrologjike, duke sugjeruar se rezultati do të jetë shumë i ngushtë.
Meri Shehu guxon dhe shkon më tej në parashikimin e saj
Astrologia shqiptare Meri Shehu thotë se sugjeron se zgjedhjet e kësaj radhe mund të kenë ndikim të thellë dhe afatgjatë, jo vetëm për SHBA-në, por për të gjithë botën.
Meri Shehu nënvizon se Hëna e Plotë dhe eklipset në kartën e Harris sugjerojnë një sukses të rëndësishëm që tashmë ka nisur, duke pasur mbështetjen e partisë së saj. Për më tepër, kalimet e Marsit përpara zgjedhjeve e kanë bërë Harris veçanërisht luftarake, edhe pse ky ndikim mund të ketë sjellë edhe disa tensione.
Nga ana tjetër, Trump, i lindur gjithashtu në një Hënë të Plotë që përkon me një eklips, ka një hartë astrologjike tejet të fuqishme. Pozicioni i Uranit dhe ndikimi i Jupiterit krijojnë një energji të fuqishme për të, duke i dhënë një momentum të veçantë që mund ta favorizojë në këto zgjedhje, megjithëse diferenca me Harris-in do të jetë shumë e vogël.
Megjithatë, Shehu paralajmëron për pasojat e mundshme të kësaj gare: ajo thekson se Trump mund të përballet me vështirësi të mëdha, përfshirë kërcënime për jetën apo skandale, që mund të ndikojnë në mbarëvajtjen e mandatit të tij, nëse fiton. Ajo paralajmëron gjithashtu për rrezikun e incidenteve serioze që mund të ndodhin pas zgjedhjeve, për shkak të tensioneve të brendshme në SHBA dhe përkeqësimit të situatës në vitin 2025.
Sipas parashikimeve të Meri Shehut, favoriti për fitore në këto zgjedhje, bazuar në lëvizjet astrologjike, është Donald Trump.
