Policia e Tiranës ka finalizuar operacionin e koduar "Përsëritësi", duke arrestuar një 24-vjeçar të dyshuar për vjedhjen e pesë monopatinave në kryeqytet. Sipas Komisariatit të Policisë Nr. 3, pas denoncimeve të qytetarëve dhe inteligjencës policore, u bë i mundur identifikimi dhe kapja e shtetasit A. B., banues në Tiranë, i cili më herët është dënuar për dhunë në familje.
Hetimet kanë zbuluar se ky shtetas ka kryer vjedhjet gjatë muajit janar, në data të ndryshme dhe në zona të ndryshme të qytetit:
- Më 28 janar 2025, dyshohet se ka vjedhur monopatinat e shtetasve A. M., Xh. G. dhe E. I.
- Më 27 janar 2025, dyshohet se ka vjedhur monopatinën e shtetasit P. S.
- Më 24 janar 2025, dyshohet se ka vjedhur monopatinën e shtetases E. K.
