Prej disa ditësh 72 fëmijë janë helmuar, 14 prej të cilëve të shtruar në spital me salmonelë. Ngjarja ka ndodhur nga konsumimi i ushqimit në një kopsht publik në Gramsh. Sot kryeministri Edi Rama dhe ministrja e Arsimit, Ogerta Manastriliu sfidojnë shëndetin dhe jetën e fëmijëve me një postim për "Rilindjen" e Gramshit! Asnjë fjalë apo reagim për helmimin e fëmijëve, por promovojnë një shkollë 9-vjeçare “Rilindja” në Gramsh. Sipas tyre një shkollë për 250 nxënës dhe mësues.
Paralelisht, prindërit po protestojnë duke bërë thirrje prokurorisë për hetime të thelluara dhe AKU-së për marrjen e masave. Prindërit kanë denoncuar se fëmijët e tyre janë helmuar prej 8 ditësh dhe se Policia mësoi për ngjarjen vetëm nga Facebook-u.
Prindi: Po do të kërkojmë se na keni helmuar fëmijët dhe jepni përgjigje. I bëj thirrje prokurorisë, Kreshnik Ajazit ndiqe këtë çështje dhe çje deri në fund. Ka ditë qe intimidohen njerëzit. Policia e ka marrë vesh nga Facebook.
Në cdo rast edhe në rast me të vogël, vjen polica. Nuk e dimë ca kushtetsh ka kuzhina, policia duhet të kishte marrë prova. Provat u morën nga AKU-ja të shtunën, pas 8 ditësh. Mirë që pamë AKU-në nëpër Gramsh se nuk e kishim parë. Deri dje thonin se ishin 4 ndërkohë janë 14. Po i fshehin, do bëjmë analiza të tjera.
