Sot shënohet 34-vjetori i ngjarjeve të 2 prillit 1991, kur në Shkodër humbën jetën katër të rinj gjatë protestave kundër regjimit komunist. Arben Broci, Bujar Bishanaku, Nazmi Kryeziu dhe Besnik Ceka u vranë nga forcat e diktaturës, duke u bërë simbole të qëndresës për demokraci.
Ngjarja e rëndë ndodhi pas zgjedhjeve të 31 marsit 1991, mes akuzave për manipulime dhe pakënaqësisë së qytetarëve, të cilët dolën në protestë kundër regjimit që ende mbante pushtetin. Kjo ditë kujtohet çdo vit si një nga momentet më tragjike të tranzicionit shqiptar.
Politika e tranzicionit nuk arriti kurrë ta respektonte kujtimin dhe idealin e të rinjve që u vranë në grahmat e fundit të komunizmit. Mbeturinat e të cilit mbajë ende peng demokracinë në Shqipëri.
I përjetshëm kujtimi i dëshmorëve të Shkodrës!
