Një 40-vjeçar është vrarë me armë zjarri mbrëmjen e kësaj të mërkure në qytetin e Laçit. Sipas Policisë, viktima është Ilir Lika, 40 vjeç, i cili është qëlluar me armë zjarri pranë portës së banesës së tij. Ai kishte disa gjeneralitete, si Ilir Gjini, alias Lika, alias Kokaj, alias Nure.
Njoftimi i Policisë:
Kurbin / Informacion paraprak
Rreth orës 22:10, në qytetin e Kurbinit, është qëlluar me armë zjarri ndaj shtetasit I.Gj alias I. L., alias I.K, alias I. N, rreth 40 vjeç. Ai është transportuar me urgjencë drejt Spitalit të Traumës, por ka humbur jetën gjatë transportimit.
Shërbimet e Policisë, menjëherë pas marrjes së njoftimit, kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/autorëve.
Ndërkohë, është ngritur grupi i posaçëm hetimor, i cili, nën drejtimin e Prokurorisë, po punon intensivisht për fiksimin e çdo prove që do t'i shërbejë hetimit, me qëllim zbardhjen dhe dokumentimin ligjor të ngjarjes, si dhe identifikimin dhe kapjen e autorit/autorëve.
