Arrest me burg” për Denis Meçe, autorin e dyshuar të vrasjes së Eglantin Progas.
Detyrim paraqitje tre personat e tjerë, Voltan Shulku, 40 vjeç, Arian Manellari, 55 vjeç, dhe Leonidha Guçe, 47 vjeç, të cilët akuzohen për veprat penale “Moskallzim krimi”, dhe “Veprime që pengojnë zbulimin e së vërtetës”.
Gjykata e Korçës sot pritet të caktojë masën ndaj Denis Meçe, autorit të dyshuar të vrasjes së Egli Progës.
Nën forca të shumta të policisë shoqëronin autorin drejt ambienteve të gjykatës, e motra e viktimës ka tentuar të kalojë kangjellat në përpjekje për të arritur tek ai. Jonida Proga, motra e Egli Progës, në gjendje të rënduar psikologjike është paraqitur jashtë ambienteve të gjykatës së Korçës dhe ka pritur mbërritjen e Denis Meçes, autor i dyshuar i vrasjes së 42-vjeçarit. E reja është përpjekur të kalojë kangjëllat e Gjykatës dhe të shikojë autorin, të cilit i bërtet “O kafshë”.
Egli Proga, 42 vjeç humbi jetën më 10 gusht në qytetin e Pogradecit pasi u dhunua barbarisht. Policia në fillim njoftoi se 42-vjeçari ishte rërzuar në gjendje të dehur dhe kishte humbur jetën për shkak të plagëve të marra.
Proga ka qenë brenda lokalit në pronësi të të atit se bashku me disa persona të tjerë, atje ku ka filluar dhe konflikti me grushta dhe sende të forta.
Ka qenë Denis Meçe, banues në fshatin Buçimas ai i cili dyshohet se ka goditur Egli Progën me sende të forta, duke i shkaktuar plagë të rënda dhe fraktura në kokë.
