“Dëgjova zëra. I kërkova Virgjilit të ngrihej e të dilnim. Ai nuk po dëgjonte. Prandaj e godita. Por ai nuk reagoi. Vetëm bërtiti oh”. Kështu e ka nisur dëshminë e tij para hetuesve Zyhdi Shehi I moshuari që vrau me bastun shokun e tij të dhomës Virgjil Vesho, 82-vjecar.
Zyhdi Shehi, 78-vjecar dyshohet për “vrasjes me dashje”. Nga hetimet e deritanishme rezulton se ai vuan nga parkinsoni dhe dëshmia e tij është marrë me rezerva nga hetuesit.
Këta të fundit bëjnë me dije se ai e kishte thyer shkopin teksa godiste shokun e dhomës. Virgjil Vesho nga ana tjetër është i diagnostikuar nga demenca. Ngjarja e rëndë ndodhi në shtëpinë e kujdesit për të moshuar “Ruaje moshën” që ndodhet në lagjen Ali Demi në Tiranë.
Sipas verefikimeve të prokurorisë azili privat ishte i licensuar, megjithatë po vijojnë hetimet në këtë drejtim. Ndërsa dy infermieret të cilat janë arrestuar për veprime që pengojnë zbardhjen e së vërtetës kanë deklaruan se menduam se Virgjili kishte vdekur nga përplasja te komoja. “Shkuam për ta kontrolluar. Kur pamë gjak u terrorizuam. Njoftuam funeralin, pasi nuk e menduam se mund ta kishte vrarë Zyhdiu, pasi ai është I pamundur për shkak të parkinsonit. Ne i japim ndihmë edhe kur shkon në tualet për nevojat personale”, kanë deklaruar të dyja infermieret e turnit të natës.
Prokuroria thotë se ata kanë kryer veprime që vrasja të mos zbulohet, pasi kanë pastruar vendin e krimit, ndërsa nuk kanë njoftuar policinë.
Zyhdi Shehi dhe dy infermieret pritet të dalin të dielën përpara gjykatës për tu njohur me masën e sigurisë.
