Gjykata e Lartë vendosi mospranimin e rekursit të bërë nga i forti i Dobraçit, Safet Bajri, si dhe nga dy të dyshuarit e tjerë, Behar Bajri Brajoviq dhe Astmer Bilali.
Avokati i tyre, Sokol Tahiraj, deklaroi se gjykata ka gabuar në rrëzimin e rekursit, duke vepruar pa asnjë bazë ligjore.
Safet Bajri, kushëriri i tij Behar, dhe Astmer Bilali akuzohen për vrasjen e Fatbardh Licit, xhaxhait të kundërshtarit të tyre të përbetuar, Ibrahim Lici, si një akt hakmarrjeje.
Në pranga ka përfunduar edhe ish-partnerja e Safet Bajrit, Eria Ago, pasi dyshohet se ka ndihmuar autorët të largohen nga vendi i ngjarjes pas krimit.
