Policia arreston një të dyshuar për vrasjen e Selim Velsulës në fshatin Xibër-Murriz të Klosit.
Autori i dyshuar është kushëriri i tij, 28-vjeçari Hazbi Velsula.
Ai kishte jetuar për një kohë të gjatë në periferi të Tiranës, por kohët e fundit ishte kthyer te pronat e familjes. Selim Velsula dhe e shoqja kishin nxjerrë bagëtitë, në momentin kur 28-vjeçari ka thirrur 65-vjeçarin dhe e ka goditur me thikë, duke i shkaktuar vdekjen. Viktima është konstatuar nga një banor i zonës, i cili kishte dalë për të marrë ujë për vaditje. Autori i dyshuar i krimit, Hazbi Velsula, ka telefonuar motrën dhe i ka rrëfyer për vrasjen.
