Adriatik Lapaj ka shprehur zhgënjimin e tij për mungesën e bashkëpunimit nga partitë e tjera, pavarësisht përpjekjeve të tij për dialog.
“Nuk është e udhës që kam kaq kohë që shtrij dorën e bashkëpunimit dhe kjo nuk përmendet askund” tha Lapaj. Ai theksoi se ka lënë egon mënjanë dhe ka bërë thirrje për një tavolinë të përbashkët ku mund të diskutohen zgjidhje të përbashkëta.
“Feedback-u që kam marrë është vetëm sulm. Me mënyrën si janë sjellë, ndoshta nuk do të uleshin kurrë me mua. Por kjo nuk është çështje egoje personale, është nevojë për të nisur ndryshimin,” shtoi ai.
Për sa i përket bashkëpunimit, Lapaj propozoi modelin e zonave të lira, ku të gjithë të punojnë për të mirën e përbashkët në qarqe të ndryshme, duke nënvizuar se interesat e vendit janë më të rëndësishme se ndasitë politike.
