Belind Këlliçi deklaroi në emisionin "Të Paekspozuarit" se ka informacione që kryetari i Bashkisë së Tiranës, Erion Veliaj po përgatitet të arratiset në Zvicër dhe se kjo është arsyeja përse SPAK nuk po kërkon një masë sigurie ndaj tij, për ta lënë të arratiset. Këlliçi deklaroi se Edi Rama po e ndihmon Veliajn për këtë skenar, ndaj edhe deklaroi se i rrezikohet "jeta familjare".
Ndërsa gazetarja Klodiana Lala tha se ky është një plan që nuk dihet nëse ekziston dhe për këtë i kërkoi Këlliçit nëse kishte informacione më të detajuara për arratisjen e kryebashkiakut.
Pjesë nga biseda në studio:
Belind Këlliçi: Sipas informacioneve në katër ditët e fundit bëhet fjalë për tentative për t'u larguar nga vendi. Deklarata e SPAK se është provuar përfshirja e Veliajt në katër vepra penale, minimalisht besoj se bie edhe Mërtiri dakord se duhet të kishte masë. Flitet gjerësisht se ka patur një dakordësi edhe me ndërhyrje të qeverisë, për ti bërë proces azili. Gjuha e kryeministrit e fakton këtë kur ka folur për linçimin dhe rrezikun e jetës së kryebashkiakut.
Klodiana Lala: Kjo është kot tani. Në vend të flasim a ka bërë apo jo korrupsion, flasim për një plan që nuk e dimë a ekziston. Sot Veliaj dyshohet për katër vepra penale, A keni të dhëna për këto, se do ikë apo jo, kudo të shkojë, nëse lë Shqipërinë dhe shkon në një zgëqe aty…
Kujtojmë se pak ditë më parë Sali Berisha deklaroi se Erion Veliaj nuk do të kthehej nga SHBA pasi ishte arratisur, por kjo nuk rezultoi e vërtetë dhe kryebashkiaku u rikthye në Tiranë.
