Presidenti Donald Trump lëshoi një urdhër ekzekutiv, duke udhëzuar Sekretarin e Shtetit, Marco Rubio, të zbatojë reforma në Shërbimin e Jashtëm për të siguruar zbatimin e politikës “Amerika e Para”.
Urdhri përfshin masa disiplinore për ata që nuk ndjekin agjendën e presidentit dhe ndryshime në rekrutimin, vlerësimin dhe mbajtjen e punonjësve të Shërbimit të Jashtëm. Gjithashtu, ai autorizon rishikimin e manualeve dhe politikave të Departamentit të Shtetit.
Këto reforma vijnë pas pezullimit të disa punonjësve të USAID-it dhe mbylljes së faqes së saj zyrtare, ndërsa Rubio është emëruar përkohësisht në krye të agjencisë për të udhëhequr proceset reformuese.
