Tensionet kanë vijuar edhe pas dy ndërprerjeve të njëpasnjëshme në seancën plenare të kësaj të enjteje.
Për shkak të situatës së krijuar në sallën e Kuvendit, kryetari i Kuvendit, Niko Peleshi, vendosi të ndërpresë punimet për një orë, me synimin për të ulur tensionet dhe për të mundësuar vijimin normal të seancës.
Ndërkohë, deputetët e Partisë Demokratike kanë vijuar të bllokojnë foltoren e Kuvendit, duke kundërshtuar zhvillimin e punimeve. Më herët, Peleshi i kishte dhënë fjalën ministrit për Evropën dhe Punët e Jashtme, Ferit Hoxha.
Prej disa minutash, deputetët demokratë kërkojnë të marrin fjalën, ndërsa drejtuesi i seancës këmbëngul që ata të rikthehen në vendet e tyre dhe punimet të vijojnë sipas rendit të ditës të miratuar nga Kuvendi.
