Sot në orën 19:00 pritet të zhvillohet protesta e 20-të radhazi në Tiranë, ku qytetarë të ndryshëm kërkojnë dorëheqjen e kryeministrit Edi Rama dhe largimin e qeverisë së tij.
Prej 19 ditësh me radhë, tubimet janë zhvilluar në kryeqytet, me pjesëmarrje që protestuesit e cilësojnë masive, veçanërisht gjatë mbrëmjes së djeshme, kur qytetarë janë grumbulluar përpara godinës së Kryeministrisë, duke vijuar mobilizimin e pandërprerë.
Edhe në këtë protestë të radhës, pas qëndrimit disaorësh përpara Kryeministrisë, parashikohet që protestuesit të zhvillojnë një marshim në rrugët kryesore të Tiranës, duke përcjellë kërkesat dhe mesazhet e tyre publike.
Pjesëmarrësit deklarojnë se do të vijojnë protestat dhe mobilizimin deri në përmbushjen e kërkesës së tyre kryesore, dorëheqjen e kryeministrit dhe të qeverisë aktuale.
