Kryetari i Partisë Demokratike, Sali Berisha, në fjalën e sotme gjatë protestës së radhës poshtë shtëpisë së tij, u ndal dhe te skandali i mbetjeve toksike. Për Berishën vec Ramës përgjegjës për këtë aferë ështe dhe Alabari.
“Porti i Durrësit ka qenë në shekuj një bekim i madh për shqiptarët, ka qenë porta e vërtetë e Shqipërisë drejt perëndimit, por dhe gjenerator i madh i të ardhurave, gjenerator i madh i punësimit për Durrësin. Porti në të cilin arrihej deri në 4 milionë ton mallra shkarkim dhe ngarkim në vit, tani shndërrohet në Dubain e Edi Ramës dhe të Alabarit. Po shqiptarët çfarë fitojnë? Shqiptarët paguajnë nga djersa dhe gjaku i tyre 1 miliardë euro për ndërtimin e portit të ri, sepse Edi Rama, Alabari u grabit portin mijëra vjeçar” – u shpreh Berisha.
Berisha është mjaftuar vetëm me kaq për skandalin e mbetjeve. Ndërsa qeveria justifikon përgjegjësinë e saj për monitorimin dhe vënien para përgjegjësisë të hallkave pérgjegjëse shtetërore, kryetari i opozitës amniston kompaninë Kurum e cila së fundmi ka ndërprerë kontratën dhe me 500 punonjës të saj.
Shpresa e vetme që kjo aferë të zbardhet plotësisht mbeten hetimet e Prokurorisë së Durrësit dhe OLAF-it që ndoshta do të hedhin dritë mbi të vërtetat e përgjegjësisë shtetërore që qeveria e fsheh dhe atë të KURUM që opozita e amniston.
