Gjykata e Apelit të Posaçëm shtyu seancën ndaj ish-kryebashkiakut të Durrës Vangjush Dako dhe disa të pandehurve të tjerë. Adrian Bulku njeri nga të pandehurit kishte njoftuar gjykatën se sot ishte në pamundësi për të marrë pjesë në seancë. Ai kërkonte te caktohej një datë tjetër, për shkak se dëshironte të ishte i pranishëm. Seanca e radhës në datën 1 korrik.
Dako akuzohet për veprën penale “shpërdorim detyre”. Kujtojmë se në nëntor të vitit të kaluar, Gjykata e Posaçme dënoi dënuar me 2 vite e 8 muaj burg Vagjush Dakon, i cili akuzohet se ka kryer veprën penale “shpërdorim detyre”, në dy raste.
Njëri rast, ka të bëjë me ndërtimin e një pallati në Durrës rreth 11 vite më parë, i cili u shemb nga tërmeti në nëntor të vitit 2019 dhe rasti tjetër ka të bëjë me një tender për ndërtimin e një shëtitoreje në vitet 2014-2015, që i ka shkaktuar buxhetit të shtetit një dëm prej 18 milionë lekë.
