Dy shtetas të huaj janë arrestuar në flagrancë nga Policia e Vlorës, pasi u kapën duke shpërndarë lëndë narkotike në zonën turistike të Dhërmiut.
I arrestuari i parë është një 30-vjeçar me shtetësi malajziane, J. S., i cili ishte akomoduar në një banesë në fshatin Dhërmi. Gjatë kontrollit të kryer në ambientet ku banonte, u gjetën dhe sekuestruan disa doza cannabis sativa dhe kokainë. Ndërsa rasti i dytë përfshin shtetasin britanik O. S., 22 vjeç. Atij iu gjetën gjatë kontrollit fizik disa doza kokaine dhe disa tableta ekstazi.
Të dy të arrestuarit akuzohen për veprën penale “Prodhimi dhe shitja e narkotikëve”, ndërsa materialet procedurale janë referuar në Prokurorinë pranë Gjykatës së Shkallës së Parë Vlorë.
