Festivali i 63-të i Këngës fitues ka shpallur Shkodra Elektronike me këngën "Zjerm”.
Përzgjedhja e fituesit është bërë përmes votave të publikut, diasporës dhe jurisë, duke sjellë një rezultat që ka ngjallur reagime të shumta.
Elvana Gjata me këngën “Karnaval” ka përfunduar në vendin e dytë, një pozicion që ajo e ka mbajtur edhe më parë në këtë festival, ndërsa vendi i tretë i ka takuar Alis me këngën “Mjegull”.
Kënga fituese “Zjerm” pritet të përfaqësojë Shqipërinë në skenën e Eurovisionit 2025, duke sjellë një stil unik dhe një energji të jashtëzakonshme.
