Mëngjesin e sotëm, 1,015 pasagjerë dhe 176 automjete mbërritën në portin e Vlorës me tragetin e linjës Vlorë-Brindisi, duke shënuar një fluks të lartë udhëtarësh në prag të festave të fundvitit. Qyteti bregdetar po përjeton një rritje të numrit të emigrantëve dhe turistëve që kanë zgjedhur të kalojnë pushimet në Shqipëri.
Për të përballuar këtë fluks, autoritetet portuale kanë shtuar sportelet dhe janë në gatishmëri për të siguruar kalimin e shpejtë dhe të sigurt të udhëtarëve. Sipas njoftimeve nga autoritetet doganore, fluksi më i lartë i pasagjerëve pritet të regjistrohet gjatë Vigjiljes së Krishtlindjeve dhe në ditët e fundit të vitit.
Emigrantët, që rikthehen për të kaluar kohë me familjet e tyre, dhe turistët që vizitojnë bregdetin shqiptar, janë arsyeja e këtij intensifikimi të lëvizjeve, duke e bërë Vlorën një destinacion të preferuar për festat e fundvitit.
