Ministri holandez i Mbrojtjes, Ruben Brekelmans njoftoi se Shtetet e Bashkuara nuk do të kryesojnë më Grupin e Kontaktit të Mbrojtjes për Ukrainën (UDCG), duke ia lënë këtë rol Gjermanisë dhe Britanisë së Madhe.
Ai tha se ky është një hap i rëndësishëm që evropianët po marrin më shumë përgjegjësi, ndërsa SHBA mbetet ende pjesë e grupit. UDCG, i njohur edhe si Grupi Ramstein, përbëhet nga 57 vende, përfshirë të gjitha anëtarët e NATO-s dhe BE-së, dhe është themeluar për të koordinojë ndihmën ushtarake ndaj Ukrainës.
Brekelmans bëri thirrje për bashkëpunim të ngushtë transatlantik nëse SHBA zgjedh të riorientojë burimet drejt Indo-Paqësorit apo brenda vendit, duke theksuar se ruajtja e angazhimit amerikan në NATO mbetet thelbësore për sigurinë e Evropës.
Kjo lëvizje vjen mes sinjaleve për zvogëlim të rolit të SHBA-së në NATO dhe mundësisë së tërheqjes së trupave amerikane nga Evropa, ku aktualisht janë të stacionuar rreth 100,000 ushtarë.
