Kryeministri holandez Mark Rutte, në raportin e tij vjetor, ka kërkuar rritje të përpjekjeve nga shtetet anëtare për të siguruar që NATO të mbetet një fuqi ushtarake dominuese.
“Në vitin 2025, ne duhet të rrisim ndjeshëm përpjekjet tona për të siguruar që NATO të mbetet një burim kryesor i avantazhit ushtarak për të gjitha kombet tona. Liria dhe prosperiteti ynë i vazhdueshëm varen nga kjo”, shkroi Rutte.
Deklarata e tij vjen në një moment kritik për Aleancën, e cila prej muajit shkurt është përballur me pasiguri, pasi Sekretari i Mbrojtjes i SHBA-së, Pete Hegseth, theksoi se prioritetet amerikane për sigurinë janë zhvendosur, duke i bërë thirrje Europës të mbajë më shumë përgjegjësi për mbrojtjen e saj dhe të Ukrainës.
Rutte zhvilloi një vizitë në Uashington të enjten, ku u takua me zyrtarë të lartë amerikanë, dy muaj përpara se të presë samitin e ardhshëm të NATO-s në Holandë, me pjesëmarrjen e presidentit amerikan Donald Trump dhe liderëve të tjerë të Aleancës.
Në këtë samit pritet të diskutohen udhëzime të reja për rritjen e shpenzimeve të mbrojtjes nga vendet anëtare.
