Ministri i Jashtëm i SHBA-ve, Marco Rubio, deklaroi të martën se Shtetet e Bashkuara nuk kanë diskutuar dëbimin e palestinezëve nga Gaza drejt Libisë, por konfirmoi se Uashingtoni ka kontaktuar me disa vende të rajonit për të parë nëse janë të gatshme të pranojnë palestinezë që dëshirojnë të largohen vullnetarisht.
“Ajo që kemi diskutuar me disa vende është nëse dikush dëshiron të largohet vullnetarisht për një periudhë – sepse është i sëmurë, sepse fëmijët kanë nevojë për shkollë apo për ndonjë arsye tjetër – nëse ka vende të gatshme t’i pranojnë përkohësisht,” tha Rubio gjatë një seance të Komisionit për Marrëdhënie me Jashtë të Senatit. Ai shtoi se nuk i dihet nëse Libia është përmendur si vend pritës në këto diskutime, sipas agjencisë Reuters.
Rubio shtoi gjithashtu se SHBA përshëndet rifillimin e dërgesave të ushqimeve në Gaza, duke theksuar se 100 kamionë të tjerë pritet të kalojnë pas atyre të parë, dhe se mund të pasojnë edhe më shumë ditët në vijim.
Lidhur me negociatat e vazhdueshme me Iranin, Rubio tha se ato fokusohen kryesisht në aftësinë e Teheranit për pasurimin e uraniumit.
