Takimi i sotëm politik në Pogradec nisi me një atmosferë ku pritshmëritë ishin të larta, por rrjedha e takimit mori një drejtim krejtësisht ndyshe për nga dinamika e mbledhjes.
Për gati 8 orë me radhë, nga ora 10:00 e mëngjesit deri afër orës 18:30 të pasdites, skena u përkiste tërësisht drejtuesve të komisioneve dhe qarqeve, ku nuk mungoi as Belinda Balluku. Njëri pas tjetrit, ata morën fjalën për të zbërthyer vizionin e tyre mbi situatën në terren, mënyrën se si e kishin kuptuar “Besën” politike dhe rolin e pranisë besnike në organizim, si dhe zgjidhjet konkrete për çdo problematikë lokale.
Ajo që ra më shumë në sy gjatë këtij maratone takimi ishte qëndrimi i Kryeministrit Edi Rama. Ndryshe nga protokollet e zakonshme ku drejtuesi dominon fjalën, Rama zgjodhi rolin e dëgjuesit me një durim të rrallë. Për më shumë se tetë orë me radhë, ai nuk ndërhyri, duke lënë secilin pjesëmarrës të shprehte me detaje analizën e vet.
Vetëm në gjysmëorën e fundit të takimit Rama mori fjalën për të mbyllur diskutimet, duke përmbledhur mesazhet kryesore të ditës.
Kjo frymë dëgjimi dhe analiza e gjatë janë paradhoma e një asambleje socialiste të datës 5 shtator, ku priten ndërhyrje në parti e qeveri.
