Në mbledhjen e fundit të qeverisë u miratuan ndryshime në Programin Kombëtar të Praktikave të Punës, që synojnë fuqizimin e të rinjve dhe përgatitjen e tyre për administratën publike. Ministrja për Rininë dhe Fëmijët, Bora Muzhaqi, njoftoi rikonceptim të praktikave të punës. Përfshirja e trajnimeve për aftësi të buta, komunikim, hartim dokumentesh, buxhetim, etikë, dhe përdorim programesh të ndryshme. Mbështetje financiare për transport, ushqim dhe materiale didaktike për praktikantët. Mundësi për kontratë 1-vjeçare në administratën publike për ata që dallohen gjatë praktikës. Fuqizimi i rinisë në vendimmarrje: Roli i të rinjve në drejtimin e Këshillave Vendorë Rinorë në 61 bashki të vendit, duke bashkëdrejtuar me kryetarët e bashkive. Rregullime për qendrat rinore: Qendrat rinore do të rikonceptohen si persona juridikë, duke rritur mundësinë për financim nga buxheti dhe donatorë të huaj. Standardizimi i shërbimeve për të rinjtë dhe promovimi i bashkëpunimit mes bashkive dhe organizatave rinore. "Këto masa synojnë të integrojnë të rinjtë në administratë dhe të nxisin angazhimin e tyre në vendimmarrje dhe zhvillim lokal"-nënvizoi Muzhaqi.
