Momente tensioni janë regjistruar përpara Ministrisë së Arsimit në Tiranë, ku disa protestues kanë hedhur gurë në drejtim të godinës së institucionit, gjatë ditës së 13-të të revoltës studentore kundër qeverisë së kryeministrit Edi Rama.
Pas grumbullimit fillestar përpara Ministrisë së Arsimit, studentët, të rinjtë dhe qytetarët kanë nisur marshimin drejt Kryeministrisë, ku pritet të përqendrohet protesta.
Protestuesit janë larguar nga ambientet e ministrisë pas tensioneve të regjistruara, duke vijuar tubimin në drejtim të godinës së qeverisë.
Kërkesa kryesore e studentëve dhe të rinjve mbetet dorëheqja e kryeministrit Edi Rama, ndërsa protestat kundër qeverisë vijojnë prej 13 ditësh në kryeqytet.
