Qytetarë dhe aktivistë janë mbledhur këtë të premte para Prokurorisë së Posaçme kundër Korrupsionit dhe Krimit të Organizuar (SPAK), ku kanë protestuar kundër ish-zv.kryeministres Belinda Balluku.
Protestuesit mbanin pankarta në duar dhe hodhën thirrje si: “Balluku në burg” dhe “Rama në burg, Berisha në burg”.
Protesta u zhvillua në kohën kur Balluku pritej të paraqitej në ambientet e SPAK. Një prej protestuesve deklaroi se protesta synon të kundërshtojë, sipas tij, aferat korruptive. “Është vendimi i Belindës për t’i hapur rrugën Mbretëreshës së Shqipërisë. Nuk kemi asgjë me policinë. Protesta bëhet që të mos vjedhë”, u shpreh ai.
Gjatë tubimit, në zonë mbërritën edhe forca të Policisë së Shtetit, të cilat tentuan të largonin protestuesit nga hyrja e SPAK.
